2 drug lab pinaiinspeksiyon sa BFAD

Hinamon ng distributor ng dalawang brand ng glutathione ang Bureau of Food and Drugs (BFAD) na magsagawa ng independent tests at ins­peksyunin ang mga pa­silidad ng da­lawang la­boratoryo na nag-ek­samin sa kanilang mga produkto upang mabatid kung sino sa mga ito ang kuwalipikado para mag­sa­gawa ng “glutathione tests”.

Ang dalawang labora­toryo ay ang Adamson University Technology Research and Development Council (AUTRDC) at Ate­neo-based Philippine  Institute  of  Pure and Applied Chemistry (PIPAC).

Ang hamon ay ibi­nigay ng United Shelter Heath Products, distributor ng Lucida-DS at Va­niderm dietary supplement, kasunod ng ka­utusan ng BFAD na bawiin ang kanilang pro­dukto sa merkado base sa umano’y resulta ng PIPAC na ang mga ito ay walang glutathione content base sa sina­ sabi nila sa kanilang mga labels.

Kaiba naman ito sa pag­susuri ng AUTRDC na may 14.72 mg ng gluta­thione ang Lucida-DS ha­bang 498.69 mg ang Vaniderm.

Sinabi ni Dr. Lydia Crisostomo, Chief ng AUTRDC na hindi puwe­deng balewalain ang re­sulta ng pagsusuri dahil may kakayahan sila sa pagsasagawa nito.

Ayon pa sa kanila, tinanggap at ki­nilala ng BFAD ang kani­lang pag­susuri sa mga nasabing produkto. (Danilo Garcia)