Pulis tatanggap ng mid-year bonus

Makakatanggap na umano ngayon ng kanilang “mid-year bonus” ang mga tauhan ng Philippine National Police (PNP) upang umagapay sa panganga­ila­ngan ng kanilang mga anak sa pagbubukas ng klase ngayong Hunyo.

Ipinagmalaki ni PNP Chief, Director General Avelino Razon ang pag­papalabas nila ng P1.1 bilyong halaga ng salapi na paghahatian ng 125,000 uniformed at non-uniformed personnel ng PNP.

Sa kabila nito, sinabi ni Razon na ang mid-year bonus ay kalahati ng mandatory na 13th month bonus na matatanggap ng lahat ng empleyado ng gob­yerno kung saan ang kalahati ay ibibigay naman sa Disyembre.

Hindi naman makaka­tanggap ng bonus ang la­hat ng pulis na suspendido at ang mga nahaharap sa mga nakapending na ka­song administratibo at criminal. (Danilo Garcia)