P5.2M ipinamudmod ng PDEA sa mga informants

Dahil sa mga impor­mas­yon na nagresulta sa pag­kakalansag ng ilang drug laboratory at pa­kaka­kum­piska ng iligal na dro­ga, umaabot sa P5.2 mil­yon ang ipinamudmod ka­hapon ng Philippine Drug Enforcement Agen­cy (PDEA) sa 12 im­pormante.

Sinabi ni PDEA Director General Undersecre­tary Dionisio Santiago Jr. na bahagi ng programang “Private Eye” ang pagla­laan ng naturang mga reward money sa kanilang mga impormante. Bahagi rin ito ng P400 milyon na inilaan ng Presidential Anti-Graft Commission (PAGC) sa PDEA.

Umaabot sa P1.5 mil­yon ang natanggap ng impor­manteng si “Ma­hadil” dahil sa impor­masyong naging dahilan sa pagka­ka­buwag ng isang mala­king shabu laboratory sa Zamboanga City; P1 mil­yon kay “Kung Fu” dahil sa shabu lab sa Angeles City; P1 milyon kay “Bong” dahil sa shabu lab sa Quezon City at P948,000 para kay alyas “Lipa City” dahil sa pag­kakatuklas sa isang bo­dega ng iligal na droga sa Lipa City, Ba­tangas.

Bukod sa mga shabu laboratory, nakumpiska rin ng PDEA ang 23,730 ba­wal na tabletas; 650 tableta ng ecstacy; 777 kilo ng marijuana; 227.9 kilo ng shabu at 2,879 litro ng acetone dahil sa impormas­yon na ibinigay ng mga awardees.

Sinabi ni Santiago na “cash” ang kanilang ibini­bigay sa mga impormante at hindi tseke upang hindi ma-trace ang mga ito ng sindikato kung sakaling magpapapalit pa sa bangko.

Ipinagmalaki rin ni Santiago na aprubado na ng Kongreso ang isiningit na pondo sa General Appropriations Act na P9 milyon kada taon para sa PDEA para sa pagbibigay ng reward sa mga im­pormante upang magtu­loy-tuloy ang programang “Private Eye”. (Danilo Garcia)