May 100 anak ng mga mediamen ang pagkakalooban ng college scholarships matapos pirmahan ang isang memorandum of agreement ng National Press Club at Filipino Rotarians.
Ayon kay NPC board director Alvin Feliciano, dahil sa kabutihang nagmula sa iba’t ibang districts at clubs ng Rotary International, Philippine Zone, ay nabigyang katuparan na ang pamamahagi ng full college scholarship ng hanggang apat na taon na siguradong malaking tulong para sa pamilya ng mga mediamen.
Nilinaw ni Feliciano na ang scholarship na ibibigay ng Rotary International, Philippine Zone ay sasagot din sa matrikula at iba pang miscellaneous expenses tulad ng libro at uniporme ng mga scholars. (Ricky Tulipat)