Tag price ng paninda pinadi-display sa Caloocan
Pinababantayan ni Caloocan City Mayor Enrico “Recom” Echiverri sa City Administrator’s Office ang presyo ng mga pangunahing bilihin lalo na ng bigas at iba pang pagkain kasabay ng pagbibigay nito ng babala sa mga mang-aabusong tindero.
Iniutos din ni Echiverri kay City Administrator Russel Ramirez at sa Market Division na siguruhing maayos ang pagkaka-display ng tag price ng mga produktong ibinebenta sa mga pamilihan.
“Kalaban po natin dito, lalo na ng mga mahihirap nating kababayan ang pag-abuso at pagsamantala ng ilang tiwaling negosyante sa lungsod na gagamitin ang kasalukuyang pagtaas sa presyo ng langis upang magsamantala ng mamimili,” pahayag ni Echiverri.
Kapag may napunang iregularidad na pagtaas sa presyo ay kaagad tumawag sa 2888811; DTI, 7513330.
- Latest
- Trending
