Lozada kinasuhan sa Ombudsman

Sinampahan ng ka­song katiwalian sa Ombudsman ng gru­pong “Babae Ka” si ZTE witness Rodolfo “Jun” Lozada.

Ayon sa grupo, nag-aastang martir sa kan­yang kasalanan si Lozada na kung ituring ay bayani, gayong kung bubusisiin umano ang kanyang panunung­kulan sa Philippine Forest Corp. ay balot ito ng anomalya noong ito pa ang pangulo ng PFC.

Pitong kaso umano ng anomalya at iregula­ridad ang sinasabing dawit si Lozada, kabi­lang rito ang pamama­hagi umano niya ng mahigit 40 ektarya ng lupa sa kanyang mga kaanak, paggamit ng pera ng PFC para bumili ng insurance kung saan asawa pa niya ang ahente at nepotism matapos umanong ila­gay sa posisyon ang kanyang kapatid.

Giit ng grupo, nire­res­peto nila ang kapwa nila babae at mga madre na sumusuporta kay Lozada, subalit hindi anya nila hahayaang may masaktan o mama­matay sa kalye dahil sa mga kilos-protesta bun­ sod ng ipinaglalaban ni Lozada sa isyu sa ZTE.

Sayang lamang umano ang pag-idolo at pagpunta sa mga lan­sangan ng mga tao na nakikisimpatiya kay Lozada dahil maging ito ay may kasalanan din sa bayan. (Angie dela Cruz/Butch Quejada)