3 milyong estudyante gagradweyt

Mahigit tatlong mil­yong estudyante sa ele­mentarya, high school at kolehiyo ang magtata­pos ngayong Marso, ayon sa pinagsamang ulat ng Department of Education at Commission on Higher Education.

Base sa datos ng DepEd, aabot sa 1.7 milyong estudyante sa public elementary school ang gagradweyt  habang 140,000 na­man ang nasa priba­dong paaralan. Sa high school naman ay aabot sa isang milyon ang nasa public school habang 300,000 naman ang nasa pribado.

May 441,186 estud­yante naman ang magta­tapos sa kolehiyo kabi­lang ang baccalaureate na may 366,151; pre baccalaureate na may 56,612; post baccalaureate 2,201; masteral degree na may 14,705  at 1,517 naman sa doctorals degree.

Pinakamalaking bulto sa mga estudyanteng magtatapos sa kolehiyo ang nasa nursing. Panga­lawa ang sa medicine at pangatlo ang business  course.  (Edwin Balasa)