GMA nakapili na ng bagong Comelec chairman

May napili nang su­sunod na chairman ng Commission on Elections (Comelec) si Pangulong Arroyo kapalit ng nagbitiw na si Chairman Benjamin Abalos.

Kinumpirma kahapon ni Presidential Management Staff chief Cerge Re­monde na mayroon nang napili ang Pangulo mula sa isinu­ miteng shortlist ng search committee.

Nakapili na rin ng da­lawang magiging bagong commissioner kapalit ng magreretirong sina Commissioners Ressureccion Borra at Florentino Tua­son.

Siniguro ni Remonde na ang susunod na Comelec chair ay magi­ging katang­ gap-tanggap sa lahat ng sector at wa­lang pagdududa sa kan­yang kredibilidad.

Nilinaw din ng Mala­cañang official na hindi ka­gustuhan ng Palasyo na ita­go ang mga pa­nga­lan nang pinagpilian kundi mismong kahili­ngan ito ng binuong search committee.

Naunang sinabi ni Pangulong Arroyo na ang nais niyang maging chairman ng poll body ay galing sa Korte Suprema. (Rudy Andal)