ATO Chief sinib­ak!

Sinibak kahapon ni Pa­ngulong Arroyo ang hepe ng Air Transportation Office (ATO) na si Daniel Dima­giba at itinalaga pansa­mantala upang mamuno sa nasabing ahensiya si Transportation Secretary Leandro Mendoza.

Sinabi ni Presidential Spokesman at Press Secretary Ignacio Bunye, mananatili bilang concurrent ATO chief si Mendoza sa loob ng 3 buwan upang pamahalaan ang administrative at technical issues na inireklamo ng US-Federal Aviation Authority (FAA).

Sinibak si Dimagiba dahil sa pagkabigo nitong ipagbigay-alam sa Kon­greso ang pagkukulang ng ATO na naging dahilan sa downgrading ng ratings ng Pilipinas sa category 2.

Ibinaba ang ratings ng Pilipinas ng US-FAA ma­tapos mabatid na ang Philippine Civil Aviation Authority ay hindi nakakasunod sa itinakda ng International Civil Aviation Organization.

Una rito ay nanawagan sa Pangulo at kay Men­doza ang mga empleyado ng ATO na busisiin ang kuwalipikasyon ng kasa­lukuyang hanay ng mga ATO officials na nanganga­siwa sa ahensiya.

Naghihinala ang mga ito na ang kakulangan sa kuwalipikasyon at kaka­yahan ng ilang opisyal ang isang dahilan kung bakit ibinagsak ang Philippine Aviation Industry mula ca­tegory 1 sa category 2 na nagdulot ng hindi magan­dang bentahe sa kalala­gayan ng aviation industry sa bansa.

Ayon sa mga ATO employees, maging si Dima­giba umano ay hindi qualified  na pangasiwaan ang ATO. Anila, ang kailangang ilagay sa puwestong ito ay isang accredited pilot at isang air traffic controller.

Nalagay lamang anila sa posisyon si Dimagiba bilang Executive Director ng ATO dahil sa pagiging isang aeronautical engineering graduate nito at  weatherman.

Bukod dito, ang Air Carrier Operations Section na pinangangasiwaan ng isang Manuel Villegas ay wala din umanong nalala­man at hindi sanay sa commercial flying at pagbusisi sa pilot tests, ride inspections ng mga piloto at aircraft. Si Villegas anila ay hu­mahawak ng isang kri­tikal at sensitibong tung­kulin ngunit wala umanong balido at current pilots license.

Binanggit din ang isang Amado Soliman Jr. na nagsisilbing consultant ni  Dimagiba. Si Soliman uma­no ay isa lamang sa ilang piloto ng PAL na nasangkot sa iba’t ibang  air-related accidents. Siya ay kasa­lukuyang chairman at pre­sidente ng Air Safety Foundation, Inc. (Rudy Andal/Angie dela Cruz/Butch Quejada)