Palawan mining case inilipat sa DOJ

Ipinag-utos ni Justice Secretary Raul Gonzalez na ilipat sa Department of Justice ang preliminary investigation ng isang mining case sa Palawan dahil sa umano’y harassment at panggigipit na dinaranas ng mga sangkot sa naturang kaso.

Matatandaang nag­sampa ng reklamo ang isang nagngangalang Mark Benedicto Con­cepcion ng Palawan Mining Regulatory Board laban sa mga opisyal ng Citinickel Mines and Development Corporation at Oriental Peninsula Resources Group. Ang kaso’y may kinalaman sa umano’y illegal quarrying at theft of minerals kaugnay ng kalsadang ginagawa ng kumpanya sa bayan ng Sofronio Espanola sa timog Palawan.

Mariin namang iti­nanggi ng naturang kumpanya ang aku­sasyon at sinabing ito’y isang uri lamang ng harassment.

Nagdesisyon si Gon­zales na ilipat sa May­nila ang hearings ng kaso matapos maka­tanggap ng reklamo na marami umanong death threats at pananakot na natatanggap ang mga executives ng dalawang kumpanya.