RP-US war games kasado na sa Pebrero

Aarangkada na sa darating na Pebrero ang panibagong RP-US Balikatan joint military exercises bilang bahagi ng pinaigting na kampanya laban sa terorismo. 

Ayon kay US Embassy Spokesman Re­becca Thompson, in­teresado ang pamaha­laan ng Amerika sa idaraos na Balikatan exercises sa bansa.

“ Definitely, we are looking forward to another rounds of Bali­katan exercises in terms of interopera­bility and defense building measures,” ani Thompson. 

Sinabi ni AFP-Western Command Public information Officer Major Eugene Batara na sa darating na Pebrero 18 uumpisahan ang panibagong RP-US war games sa Western Mindanao na tatagal ng 15 araw at sesentro sa humanitarian mission.

Hindi lamang sa la­lawigan ng Sulu mag­kakaroon ng mga me­dical and dental mission kundi maging sa Basilan at Tawi-tawi.

Nilinaw ni Batara na may nakapaloob na anti-terror training sa naturang pagsasanay.

Sa pagbisita naman ni US Ambassador to the Philippines Kristie Kenny, tiniyak nitong sa susunod na linggo ay magsisimulang du­ma­ ting ang mga sun­da­long Amerikano na lalahok sa nasabing war games. (Joy Cantos)