Impluwensya ng NPA humina raw

Humina na ang im­plu­wensyang pulitikal at militar ng Communist Party of the Philippines at ng New Peo­ple’s Army nito sa nagdaang taong 2007 na nakaapekto sa ka­nilang bigong pagta­tang­ka na ibagsak ang administrasyon ni Pa­ngulong Gloria Maca­pa­gal Arroyo.

Ito ang nabatid ka­ha­pon sa ipinalabas na accomplishment report ng Armed Forces of the Philippines.

Nabatid na mula Enero hanggang Nob­yembre ng nakaraang taon ay nakapagsa­gawa ang tropa ng militar ng  kabuuang 308 operas­yon sa mga lugar o ba­rangay na malakas ang implu­wensya ng komu­nis­tang mga rebelde.

Sa Metro Manila, ini­hayag ng mga opis­yal ng militar na bigo ang mga rebelde na maka­pag-recruit ng mga sa­sapi sa kani­lang pu­wersa dahilan sa pre­sensiya ng AFP-Civil Military Operations sa mga slum areas.

Ayon kay  AFP-CMO Battalion Commander Col. Buena­ven­tura Pas­cual, da­hilan sa isina­sagawa nilang pagmu­mulat sa publiko sa ka­sa­maan ng mga rebel­deng NPA ay tuluyan nang hu­mina ang pu­wersa ng re­bolusyo­naryong ki­lusan na namayag­pag sa bansa sa loob ng 39 dekada.

Sinabi ni Army Spokes­man Lt. Col. Ernesto Tor­res Jr., na aabot sa 500 sun­dalo na pawang miyembro ng Special Operations Team ng AFP-CMO Battalion ang kanilang idineploy  sa 42 slum areas sa buong Metro Manila. (Joy Cantos)