MMDA nagpaalala sa basura ngayong Kapaskuhan

Walang magaganap na krisis sa basura ngayong holi­day season kasabay ng pana­wa­gan sa mamamayan na maging responsable sa pagta­tapon ng kanilang basura.

Nabatid kay Metropolitan Manila Development Authority (MMDA) Chairman Bayani Fer­nando, inaasahan na ng ka­nilang ahensiya ang tone-tone­ladang basura ngayong pana­hon ng Kapaskuhan, partikular sa mga lugar na dinarayo ng mga mamimili tulad ng Divisoria, Baclaran, Balintawak at mga malalaking malls kaya’t nakipag-ugnayan na siya sa mga pinuno ng local na pamahalaan na siguruhin ang pagkolekta ng kani-kanilang contractors.

Sinabi ni Fernando na maka­titiyak ang mga residente sa bawat lungsod na regular ang magiging koleksiyon ng basura sa pagdiriwang ng Kapaskuhan kaya’t walang mga lugar na magkakaroon ng ga-bundok na basura tulad ng mga nangyari noong mga nagdaang taon.

“We have secured commit­ments from local officials and pri­ vate garbage haulers to col­lect gar­bage after Christmas and New Year,” pahayag ni Fernando.

Sinabi pa ni Fernando na naki­pag-ugnayan na rin ito sa mga opisyal ng Rizal Province at Navotas City na siyang na­ngangasiwa sa mga basura sa Metro Manila na i-accommodate ang  Metro Manila garbage.

Nabatid na karaniwang du­mo­doble ang nakokolektang basura sa Metro Manila pag­sapit ng buwan ng Disyembre, mula sa ordinaryong 3,000 hang­gang 4,000 tons na basura sa mga regular na araw ay uma­abot ito ng hanggang 5,000-6,000 tons kapag Disyembre.

Nagbanta naman ang mga opisyal ng local na pamahalaan sa mga magtatapon ng basura sa lansangan ng wala pang nag­daraang garbage truck,  na mag­­diriwang sila ng Pasko sa kulungan sa oras na mahuli ng Environmental ang Sanitation officers. (Lordeth Bonilla)