Upang isalba ang buhay ng Pinay domestic helper na si Marilou Ranario, naglunsad ng signature campaign ang mga Pinoy sa Kuwait matapos pagtibayin ng Kuwaiti court ang hatol na bitay laban dito kaugnay ng pagkakapatay sa malupit nitong lady employer noong Enero 2005.
Ang grupo na binansagang OFW Operation Tulong na nangangalap ng pirma upang kumbinsihin at mapahinuhod si Kuwait Amir Sheikh Sabah Al-Ahmad Al-Jaber Al-Sabah na pagkalooban ng executive clemency si Ranario kundi man ibaba ang sentensya dito. Ang tanging paraan na lamang para maligtas ay ang executive pardon ng Emir ng nasabing bansa.
Sa tala, umaabot sa 100,000 ang mga Pinoy sa Kuwait na karamihan ay nagtratrabaho bilang domestic helper. (Joy Cantos)