3 suspect sa Batasan kinasuhan

Pormal ng sinampa­han kahapon ng kaso ng Philippine National Police (PNP) sa Department of Justice (DOJ) ang tatlong nasako­ teng miyembro  ng  Abu Sayyaf Group (ASG) na sangkot sa pam­bo­bomba sa Bata­san Pam­bansa noong Nobyembre 13  na kumitil ng buhay ni  Basilan Rep. Wahab Akbar at 3 iba.

Sa ilalim ng mahigpit na seguridad, iprinisinta ni PNP-Criminal Investigation and Detection Group-National Capital Region (PNP-CIDG-NCR) Chief, Sr. Supt. Asher Dolina  sina Khai­dar Awnal, Ikram Indama at Ad­ham Kusain sa tang­gapan ni DOJ Secretary Raul Gonzalez.

Ayon kay Dolina, ang mga suspect ay sinam­pahan nila ng kasong 4 counts ng murder, 12 counts ng frustrated  murder at obstruction of justice dahilan sa panla­laban sa arresting team.

Si Indama ay dating driver ni dating Mindanao Deputy Speaker Rep. Gerry Salapuddin, kaya nakalad­ kad rin ang pa­ngalan sa pambobomba ng dating solon na karibal sa pulitika ni Akbar.

Ang mga suspect ay nasakote ng pinagsanib na elemento ng pulisya at militar sa isinagawang raid sa umano’y safe­house ng grupong ASG sa Lot 22, Block 4, Park­wood Viola­go Homes, Brgy. Payatas, Que­zon City kung saan tatlong iba pa ang nasawi.

Kasalukuyan namang ikinokonsidera ng PNP ang pagsasampa ng 2nd batch ng kaso laban sa tatlong suspect kabilang na ang assault on person in authority at destruction of government property.

Samantala, blangko ang  PNP sa mastermind sa naganap na pagsa­bog sa Ba­ tasan Pambansa na kumitil ng buhay ni Ba­silan Rep. Wahab Akbar at tat­long iba pa noong Nob­yembre 13.

Ayon kay PNP Chief Director General Avelino Razon Jr, na bagama’t may mga affidavit na ang tatlong nahuling suspect kung saan ibinunyag ng mga ito kung paano gi­nawa at binili ang mga pampasabog ay hindi pa  ito sapat para matum­bok ang mastermind sa kri­men. (Joy Cantos)