142 armas kuha sa gun ban

Umaabot na sa 142 armas ang nakumpiska ng Philippine National Police (PNP) sa pagpa­patupad ng pambansang “gun ban” kaugnay ng darating na Barangay at Sangguniang Kabataan elections.

Sinabi ni Sr. Insp. Jay Agcaoili ng PNP Public Information Office, kabilang dito ang 47 matataas na kalibre ng baril at 95 mga handgun.  Nakakumpiska rin ang pulisya ng limang pampasabog sa Minda­nao mula nang mag-um­pisa ang gun ban nitong Set­yembre 29.

Inaasahan naman ni Agcaoili na tataas pa ang naturang bilang ng mga nakukumpiskang armas habang patuloy ang pag-init ng eleksyon partikular na sa mga lugar na iti­nuturing na “areas of concern” lalo na sa mga pro­binsya hang­gang Nob­yembre 13.

Idinagdag rin nito na lalo ngayong magbaban­tay ang pulisya sa pag­lalatag ng mga checkpoints at intelligence mo­nitoring matapos na itaas ang “full alert status” ng PNP dahil sa naga­nap na pagpapasabog sa Glo­rietta mall sa Makati City. (Danilo Garcia)