Inutos kamakailan ng Civil Service Commission (CSC) kay Davao City Mayor Rodrigo R. Duterte na ibalik sa dating pwesto ang may 32 city hall employees na kanyang ipina tapon sa malalayong barangay nuong 2001. Nagbanta rin ang CSC ng indirect contempt at iba pang kaso kay Duterte kung babalewalain nito ang utos ng kumisyon.
Sa CSC resolution no. 071611na pinirmahan nina CSC Chairman Carina Constantino-David, Commissioner Cesar D. Buenaflor at Commissioner Mary Ann Z. Fernandes-Mendoza, inutos ng kumisyon kay Duterte na i-reinstate sina Ma. Luisa Bermudo, Rosalinda M. Algabre, Hernani Ariola, Magdalena Banta, Paul Prevido Bermejo, Aida F. Bonita, Liwayway Caligdong, Ma Theresa Colina, Leperacio A, Daplin, Nicanor N. David, Dante C. Donayre, Leo C. Dorayne, Linda P. Fuyonan, Violeta P. Garcia, Ofelia M. Gloria, Rodolfo P. Josol, Anna Karina Junsay, Hilaria Lasay, Ramon Lasay,Ivan P. Lizarondo, Samel C. Lonzaga, Lustre Amparo, Cirila B. Manacap, John D. Martinez, Nenita Paguidopon, Ester P. Sepulveda, Rostand S. Tolentino, Minda Torotoro, Rebecca Valdivia, Emma Victoriano, Reynaldo Villanueva at Joven Lucila.
Ang naturang resolusyon na may petsang August 13,2007, ay umaayon sa CSC Resolution No. 04-1263 na may petsang November 10, 2004 na nagsasabing hindi maayos ang kautusan ni Duterte na i-reassign ang mga nabanggit na city hall employees sa malalayong lugar ng siyudad upang gumawa ng inventory at alamin ang development potentials ng mga barangay.
Base sa rekord, nagsampa ng reklamo sina Bermudo at kasamahan nito sa CSC nuong November 25,2002 matapos silang ipatapon ni Duterte sa malalayong barangay ng Davao City.