Erap bibisita ulit kay Doña Mary

Pinayagan muli ng San­diganbayan si dating Pangulong Joseph Es­trada upang mabisita ang kan­yang may sakit na ina na si Doña Mary Ejercito sa Lunes, Oktubre 8.

Ikalawang pagkaka­taon na itong pinayagan ng anti-graft court si Estrada na makadalaw sa kan­yang ina makaraang siya ay ma­sentensiyahan ng guilty sa kasong plunder.

Huli nitong binisita ang kanyang ina noong Set­yembre 29.

Ang 102 gulang na na­nay ni Erap ay sumasa­ilalim sa masusing pag­babantay ng mga doktor dahil sa kumplikasyon sa kanyang sakit at nilagyan na ng tubo sa bibig nito dahil nahihirapang hu­minga.

Ayon sa mga doktor ng pamilya Estrada, ginagawa naman nila ang lahat para humaba pa ang buhay ni Doña Mary ba­gamat prob­lema anya ay ang katan­daan na nito kayat kaila­ngang ban­tayang mabuti. (Angie dela Cruz)