Ultimatum ni Ate Vi vs jueteng, wa epek!

Wa-epek ang ipinala­bas na ultimatum kama­kailan ni Batangas Go­vernor Vilma San­tos sa kan­yang mga local na pulisya na kailangang sa loob ng 100 araw ay ma­sawata na ang illegal na sugal na jueteng sa kan­yang lalawigan.

Ang dahilan, sa halip na magwakas ito sa darating pang buwan ng Nobyem­bre, lalo pa umanong na­mayagpag ang jueteng sa buong Batangas.

Dahil dito, nanana­wagan ang mga Batan­gueno kay Archbishop Arguelles na makialam na sa problema sa jueteng dahil mismong si Ate Vi umano ay mistulang binu­bulag na ng kanilang police provincial director na si Sr. Supt. David Quimio Jr.

Nabatid na ang buong 1st district ng Batangas ay hawak umano ng kapitalis­tang itinago sa pangalang Don Pepe A. Bukod dito, siya rin umano ang may pa-jueteng sa bayan ng Alitag­tag, Lemery at Agon­cillo.

Sa bayan ng Rosario, San Juan at Lipa City, isang barangay official na may alyas Manny umano ang kapitalista ng jueteng.  Isang alyas Buddha naman ang may pataya sa Calaca, Batangas, samantalang alyas Junior V ang siga ng jueteng sa Ibaan at Cala­tagan, habang sa Padre Garcia at Tanauan ay isang alyas Kune naman ang kapitalista ng jueteng.