Nag-walkout habang isinasagawa ang canvassing sa Taguig City Hall ng mga abogado ng kandidatong si Jett Reyes, tumatakbong kongresista sa 2nd District ng Taguig.
Ayon kay Atty. Francisco Muñez, head ng legal team ni Reyes, sila ay nagpahayag ng kanilang ob jections sa may 131 Election Returns (ERs) dahil sa mga diperensyang kanilang nakita sa nasabing ERs. Ilan dito ay ang tampering ng mga bilang, pagbabago ng mga lagda ng mga kawani ng Board of Election Inspectors (BEI) at walang thumbmark.
Ngunit ipinagwalang-bahala lamang diumano ng Board of Canvassers ang kanilang pagtutol. Itinuloy naman ng Board ang pagbibilang matapos silang mag-walkout.
Si Jett Reyes ay nauna nang nakapagtala ng lamang na 811 boto laban sa pumapangalawang si Henry Duenas matapos mabilang ang mahigit sa 50% ng mga boto.
Una nang naghain ng petisyon sa Comelec ang mga abogado ni Reyes upang ideklarang illegal ang proceedings at dapat itigil ang isinasagawang canvassing.