8 Pinoy na dinukot sa Nigeria, pinalaya na

Matapos ang halos isang linggong pagkakabihag pinalaya na ang 8 Pinoy kasama ang 3 South Koreans na bini hag sa Nigeria.

Ayon kay Department of Foreign Affairs (DFA) spokesman Claro Cristobal, ang 11 empleyado ng Daewoo Engineering and Construction Co. kabilang ang 8 Pinoy na dinukot ng mga armadong kalalakihan sa Afam Power Plant Construction site ay pinalaya ng kanilang mga abductor dakong ala–una ng madaling-araw.

Kasalukuyan nang sumasailalim sa medical checkup ang mga OFW at inaasahang babalik sa bansa sa darating na Biyernes.

Tumanggi naman ang DFA na kumpirmahin kung may kapalit na ransom ang pagpapalaya sa mga bihag. (Joy Cantos)