‘Victory party’ ng GO nakakasa na!

Plantsado na ang "victory party" ng Genuine Opposition (GO) na isasagawa sa Liwasang Bonifacio sa lungsod ng Maynila sa darating na Mayo 11.

Ayon kay GO Spokesman Atty. Adel Tamano, ipinadala na nila ang kanilang imbitasyon kina dating Pangulong Corazon Aquino at biyuda ni Fernando Poe, Jr. na si Susan Roces para sa isasagawang miting de avance.

"The miting de avance is actually our victory party already for our senatorial candidates. Our local candidates in Metro Manila will also attend," pahayag ni San Juan May JV Ejercito.

Magugunita na ang proclamation rally ng senatorial candidate ng GO ay isinagawa sa Plaza Miranda na dinaluhan ng libu-libong supporters ng oposisyon.

Kaugnay nito, tiwala naman si Ejercito na walang magaganap na pananabotahe sa "miting de avance" ng GO na ayon dito ay harinawang maidaos ng maayos at mapayapa. (Joy Cantos)