Zubiri humahataw muli sa survey

Humataw na naman si Team Unity Senatorial candidate Juan Miguel Zubiri sa pinakahuling survey na isinagawa ng Manila Broadcasting Company DZRH noong Abril 21-25, ilang linggo bago ang nakatak dang eleksyon sa Mayo 14.

Sa naturang survey na mayroong kabuuang 11,594 respondents, nasa ika-11 pwesto na si Zubiri mula sa ika-12 na kanyang nakuha sa survey naman ng Social Weather Station o SWS.

Nakuha ni Zubiri ang 39.1 percent ng MBC-DZRH survey na isinagawa sa bawat barangay ng ibat-ibang lalawigan sa buong bansa. Ayon naman kay Zubiri ang ginawa niyang pag-iikot sa buong bansa lalo na sa ibat-ibang areas sa Mindanao ang dahilan ng patuloy na pagganda ng kanyang rating.

"Hindi ko pinalampas ang mga plaza, palengke at lahat ng matataong lugar para ipaabot ang aking hangarin na makapaglingkod bilang Senador," ayon kay Zubiri.