Basta’t Romulo, totoo – Aiko

Dumalo si Quezon City Councilor Aiko Melendez sa rally kamakailan ng abogadong si Roman Romulo na tumatakbong congressman sa lone district ng Pasig City.

Naniniwala si Melendez na si Romulo ang karapat-dapat ihalal sa Kongreso dahil siya ay tapat na tao, may puso para sa mahihirap, napakasipag tumulong sa kapwa at tunay na magsisilbi sa mga Pasigueño.

"Basta’t Romulo totoo," ani Aiko.

Isa sa uunahing legislative agenda ni Romulo kapag siya ay naihalal ay itaas ang kalidad ng edukasyon sa pamamagitan ng mga bagong paaralan at panukalang karagdagang benepisyo sa mga guro tulad ng libreng health insurance at dagdag sahod.

"School teacher ang aking lola kaya alam ko ang paghihirap nila at magandang layuning makapagbigay ng de kalidad na edukasyon sa mga kabataan para sa mas magandang kinabukasan ng mga kabataan," sabi ni Romulo na kasama sa grupo ni Bobby Eusebio na tumatakbong mayor at Yoyong Martires bilang vice mayor.