AFP-PNP sanib puwersa vs political killings

Magsasanib ng puwersa ang Philippine National Police at Armed Forces of the Philippines para masugpo ang sunod-sunod na political killings dahil sa nalalapit na May 2007 election.

Ang pagsasanib ng PNP at AFP ay bunsod na rin sa panawagan ni Pangulong Arroyo na magsanib puwersa na ang pulis at sundalo para hindi na masundan pa ang pagdanak ng dugo dahil sa walang humpay na patayan ng magkakalabang pulitiko na nag-aagawan sa puwesto.

Binalaan ng Pa ngulo ang mga kandidato na sundin ang batas para maiwasan ang tensyon.

Inutos din ng Pangulo sa AFP na tulungan ang PNP sa pagsasagawa ng mga checkpoint sa loob ng 24 oras at pitong araw kada linggo. (Edwin Balasa/Malou Escudero)