Rep. Biazon ‘sure winner’

Magwawagi muli si reelectionist Muntinlupa Rep. Ruffy Biazon laban kay Dong Puno sa halalan sa Mayo, batay sa tatlong survey kasama na ang sa Social Weather Stations na nagsasabing ang mga kandidato ng oposisyon sa pagka-congressmen sa Metro Manila ang siyang mananalo sa eleksyon.

Sa survey noong Abril 4, makakakuha si Biazon at ibang oposisyong kandidato ng 50 porsiyentong boto laban sa mga kandidato ng administrasyon sa halalan. Si Biazon ay nasa Genuine Opposition-Liberal Party samantalang si Puno ay nasa administration ticket.

Inindorso rin si Biazon ng Institute for Popular Democracy (IPD) at Muntinlupa Alliance Against Corruption (MAAC) bilang "sure winner" sa Muntinlupa. Ayon sa dalawang grupo, si Biazon ay may magandang record ng mga programa at proyekto.