Team Unity suportado ni Mayor SB

Mismong si Quezon City Mayor Sonny Belmonte ang nangampanya para sa mga senatorial candidates ng Team Unity sa isina gawang proclamation rally sa Bgy. Marilag, Project 4 noong Linggo ng gabi.

Sinabi ni Belmonte na maipaparating lamang sa mga mamamayan ang kaunlaran at tinatawag na social payback ng administrasyon kung mananalo ang mga kandidato ng Team Unity sa midterm elections sa Mayo 14.

"Bakit kailangan tulungan lahat ng kandidato ng Team Unity? Kasi lahat ng araw ay importante sa ating bansa, kailangan may mangyaring progreso, trabaho at katahimikan," pahayag ni Belmonte.

Sigurado si Belmonte na puro gulo lamang ang mangyayari sa susunod na tatlong taon kung hindi makakalusot ang 12 kandidato ng TU sa Senado. (Malou Escudero)