Bakit si Davide?

Inatasan kahapon ng Supreme Court ang Malakanyang na ipaliwanag kung bakit si dating Chief Justice Hilario Davide Jr. ang hinirang na permanenteng kinatawan ng Pilipinas sa United Nations sa kabila ng edad nito.

Binigyan ng Mataas na Hukuman ang Malakanyang ng 10 araw para sagutin ang petisyon ng abogadong si Allan Paguia na humihiling na pigilin ang pag-upo ni Davide sa UN dahil overage na ito at labag sa batas.

Pero, ayon kay Presidential Legal Counsel Sergio Apostol, isang political appointee si Davide at walang limitasyon sa edad sa ilalim ng Foreign Service Act. (Grace dela Cruz at Lilia Tolentino)