‘Tol ng mga Ilonggo, no.1 sa Senado

Tiniyak ng mga political bigwigs sa lalawigan ng Bacolod na ibibigay nila ang lahat ng suporta kay Mike Defensor sa sandaling pormal na siyang magdeklara ng kandidatura sa pagka-senador ngayong Lunes.

Nagtungo sa bulubunduking munisipalidad ng Salvador Benedicto si Defensor matapos imbitahan bilang panauhin sa ika-24 taong pagkakatatag nito kasabay ng ika-17 taon naman ng Kali-Kalihan Harvest Festival. Tinawag si Defensor ng mga kapwa Ilonggo na “kautod” na ang ibig sabihin ay kapatid o tol na siyang magiging campaign nickname ng aspiring senator.

Sa pakikipagpulong sa mga kilalang pangalan sa politika sa Negros Occ., siniguro ng mga ito kay Defensor na dadalhin nila siya sa darating na eleksiyon bilang kanilang nangungunang kandidato sa Senado.

Tuwang-tuwa ang mga taga-Salvador Benedicto kay Defensor dahil siya lang ang nagpaunlak sa pagdalo sa naturang okasyon. (Lilia Tolentino)