Erap humirit makadalaw sa ina

Muling humirit si dating Pangulong Erap Estrada sa Sandiganbayan Special Division na payagan siyang makadalaw sa kanyang inang maysakit tuwing Sabado at Linggo.

Sa mosyon ng dating Pangulo, ikinatwiran nitong sumasama na ang kondisyon ng kanyang inang si Doña Mary kaya gusto nitong palaging madalaw ito kapag weekend.

"Information has reached the principal accused that his mother’s condition is fast deteriorating and therefore he most respectfully seeks permission to see her every weekend," wika pa ni Atty. Rene Saguisag, counsel ni Erap.

Hiniling din ni Erap na makadalo ito sa nalalapit na kasal ng kanyang anak na si San Juan Mayor Joseph Victor Ejercito.

Nais din linawin ng kampo ni Erap kung ano ang magiging epekto ng plea bargaining agreement na inalok kay Atong Ang. (Malou Escudero)