Libanan, Pichay inendorso ng Waray Region sa Senado

Buong suportang inendorso ng halos lahat ng kinatawan sa Kongreso at ilang lokal na opisyal mula sa Waray Region ang kandidatura nina Eastern Samar Rep.Marcelino C. Libanan at Surigao del Sur Rep.Prospero Pichay sa Senado.

Ayon kay Samar Gov. Ben Evardone, susuportahan ng Waray Region si Pichay dahil madalas na magtungo ang kongresista sa Leyte at Samar upang pangunahan ang ilang event tulad ng surfing na malaki ang naitutulong sa lokal na turismo ng naturang lalawigan.

Inihayag naman ni Rep. Catalino Figueroa ng Western Samar na walang dudang susuportahan ng Waray region ang kandidatura nina Libanan at Pichay dahil malaki ang naitulong ng dalawang kongresista sa pagsusulong ng kaunlaran ng aming rehiyon.

Sa panig ni Leyte Rep. Eduardo Veloso na maraming sector sa kanyang nasasakupan ang nagtungo sa kanyang tanggapan upang ibigay ang buong suporta nito tulad ng business community, religious sector, manggagawa at mangingisda sa kandidatura nina Libanan at Pichay.