Mga sasali sa 2007 election dapat kilalanin – Gonzales

Mariing pinabulaanan ng Partido Demokratiko Sosyalista ng Pilipinas (PDSP) ang mga ulat na nais umano ni National Security Adviser Norberto Gonzales na tawaging mga komunista ang lahat ng makakaliwang grupo.

Ayon sa grupo, na-misinterpret lamang ang naging pahayag ng kalihim dahil nasabi umano ni Gonzales na ang mga partylist groups na sasali sa darating na eleksiyon ay dapat na  "described" o makilala.

"What Gonzales said was ‘there will be plenty who will run in the party-lists in the coming elections and we have to describe them all. As national security adviser, it is important (for me) to show soldiers and police what groups are being used by the communists to continue their bad intentions on the public," paliwanag ni Fr. Romeo Intengan ng PDSP.

Ngunit inamin din ni Intengan na maraming grupo ang nagiging ‘front’ lamang ng CPP-NPA na malayang nakapapasok sa Kongreso.

Dahil dito ay nais ng pari na maging mapagmatyag ang publiko sa iba’t ibang mukha ng mga komunista na posible umanong mangikil, manira at manggulo sa bayan. (Doris Franche)