Eroplano sumadsad sa runway

Sampung Korean nationals at limang crew members ng isang domestic aircraft ang nakaligtas sa tiyak na kamatayan matapos sumadsad ang sinasakyan nilang eroplano sa Manila Domestic Airport (MDA) kahapon.

Napag-alaman sa Manila Control Tower na ang eroplanong SeaAir Donier 328 aircraft ay galing sa Caticlan, Aklan.

Gayunman, binigyan ng clearance ng control tower ang pilotong si Capt. Narciso Gratillo para lumapag sa MDA runway fox 4 ng dakong 12:45 ng tanghali.

Habang bumababa sa runway ay isang malakas na hangin ang sumalpok sa eroplano kaya sumadsad ito. Nagkaroon ng slight damage sa kanang pakpak at strobe light ang eroplano.

Bagaman walang iniulat na nasaktan sa nasabing insidente ay natakot at inatake ng nerbiyos sa pangyayari. (Butch Quejada)