Seniang nagbabanta sa Samar

Patuloy na nagbabanta ang bagyong Seniang sa Samar area at sa latest report ng PAGASA, namataan ito sa layong 550 km silangan-hilagang-silangan ng Guiuan, Eastern Samar taglay ang pinakamalakas na hanging 85 km bawat oras malapit sa gitna at may pagbugso ng hangin hanggang 100 km bawat oras.

Si Seniang ay inaasahang nasa layong 70 km ng silangan-hilagang-silangan ng Guiuan, Eastern Samar ngayong Sabado.

Sa Linggo, si Seniang ay inaasahang nasa layong 80 km kanluran ng Roxas City.

Nakataas ang signal no. 2 sa Eastern Samar na taglay ang hanging 61 km hanggang 100 km bawat oras. Signal no. 1 sa Masbate at Sorsogon, gayundin sa Leyte provinces, nalalabing bahagi ng Samar, Biliran, Cebu at Bohol. (Angie dela Cruz)