Ayon kay Escudero, nakakapagtakang walang effort na nakikita sa panig ng administrasyon na mapabalik sa bansa si Bolante gayong puwede rin naman itong ipasundo sa mga operatiba ng National Bureau of Investigation katulad nang ginawa kay Ang.
Naniniwala pa si Escudero na gagamitin ng adminitrasyon si Ang para lalong sirain si dating Pangulong Joseph Estrada.
Sinabi ni Escudero, kung totoong para sa bayan ang mabilis na pagsundo kay Ang sa Estados Unidos para harapin ang kaso nito ay bakit hindi ito magawa kay Bolante.
Si Ang ay may kinakaharap na kasong plunder na nagkakahalaga ng P6 milyon samanatalng si Jocjoc ay nahaharap sa kontrobersiyal na P2 bilyong fertilizer scam.
Kasabay nito, inihayag din ni Escudero na wala ng halaga ang alinmang testimonya ni Ang sa kasong plunder na kinakaharap ni Erap dahil tapos nang magpresenta ng ebidensiya ang depensa at prosekusyon. (Malou Escudero)