Ayon kay Ed Tamondong, ang kliyente niyang si Garcillano ay nasa farm sa Bukidnon, ngunit maaari umanong dumalo ito sa susunod na pagdinig sa darating na Mayo 30 para sa pagsusumite ng kanilang counter-affidavit. Ipinag-utos ni Asst. State Prosecutor Perfecto Lawrence Chua-Cheng na bigyan kaagad ng kopya ng sama-samang sumbong ng oposisyon ang kampo ni Garcillano para makasagot kaagad.
Inatasan din ng piskalya ang oposisyon na kailangang isumite na lamang ng iisa ang kanilang sumbong sa darating na Mayo 23 laban kay Garcillano lalo’t pare-pareho lamang ang laman ng kanilang complaint. (Angie dela Cruz)