Davide ilalagay sa UN

Inirekomenda ni Pangulong Arroyo sa Commission on Appointments (CA) si retired Chief Justice Hilario Davide Jr. bilang permanent representative ng Pilipinas sa United Nations (UN) sa New York.

Ayon sa liham ni Arroyo sa CA, si Justice Davide ang napili nitong maging kapalit ni Foreign Affairs Undersecretary Lauro Baja Jr. sa nasabing posisyon sa UN.

Napag-alaman sa isang source na itatalaga si Davide sa nasabing posisyon dahil gagawing kalihim ng Department of Foreign Affairs (DFA) si Baja habang si Foreign Affairs Sec. Alberto Romulo ay gagawing ambassador sa Washington. (Rudy Andal)