2006 national budget, dagdag sahod sa government employees lusot na sa House

Pasado na sa House committee on appropriations ang panukalang P1.05 trilyon national budget ngayong taon at ang panukalang maglaan ng P13.1 bilyong pondo para sa dagdag sahod ng mga empleyado ng gobyerno sa bansa.

Ang House bill 5013 ay magbibigay ng 8% increase sa sahod ng nasa 1.1 milyong national government employees. Kahapon ay nagdesisyon din ang komite na tapusin na ang pagdinig sa budget.

Ang DepEd ang may pinakamalaking budget, P119B; DPWH, P62.3B; DND, P46.6B; DILG, P45.6B; DA, P15.6B; DAR, P15.1B; DOTC, P14.3B; DOH, P10.6B; Judiciary, P8.5B; DOF, P6.9B; DENR, P6.3B at DFA, P5.1B. (MEscudero)