24-oras vs jueteng inutos

Binigyan ng 24-oras ni PNP Chief Director Gen. Arturo Lomibao ang lahat ng mga district, provincial at regional directors ng pulisya kahapon para lipulin ang illegal umbers game sa buong bansa.

Sinabi ni PNP spokesman Chief Supt. Leopoldo Bataoil ang naturang kautusan ay bilang patunay na determinado ang binuong Anti-Illegal Gambling Task Force na malipol ang lahat ng uri ng illegal numbers game partikular ang jueteng.

Binigyang-diin ni Bataoil na wala siyang pakialam kung masibak man ang mga opisyal ng PNP basta’t ipatutupad nil ang one-strike policy kontra jueteng.

Kamakalawa ay tinamaan ng one-strike policy ang hepe ng Gen. Trias, Cavite na si C/Insp. Conrado Gongon matapos na makahuli ang mga ito ng mga bet collector at kabo sa isinasagawang operasyon sa nasabing bayan. (Joy Cantos)