‘Black army’ ibinuking

Ibinunyag kahapon ni Ilocos Norte Rep. Imee Marcos ang ‘black army’ na sinasanay at inihahanda upang ipagtanggol si Pangulong Arroyo sakaling may maglunsad ng kudeta.

Ayon kay Rep. Marcos, nagsasanay sa isang tagong training camp sa Central Luzon ang tinaguriang ‘black army’ ni PGMA.

Naniniwala si Marcos na ang sinasabing shipment ng mga armas na namataan sa ilang lugar sa Ilocos region ay para sa ‘black army’ ni Mrs. Arroyo.

Wika pa ng lady solon, dating mga pulis at militar ang nagsasanay sa mga miyembro ng black army kung saan ay nagre-recruit din ng mga foreign mercenaries makaraang aminin ni Cambodian Prime Minister Sen na nagsusuplay sila ng armas sa Pilipinas.

Magugunita na sinabi ni dating US charge d’affaires Joseph Mussomeli na isang civilian group ang binubuo para protektahan si Mrs. Arroyo sakaling magkaroon ng kudeta. (MRongalerios)