Paghahatid sa mga anak laging dahilan ng late

Pinagalitan ng Korte Suprema ang isang empleyado ng mababang hukuman dahil palagiang isinasangkalan sa pagiging late ang paghahatid niya ng mga anak sa eskuwela.

Lumalabas na may 26 late sa loob lamang ng 2 buwan si Gng. Natividad Calingao, clerk III ng Las Piñas Regional Trial Court (RTC).

Hindi kumbinsido ang SC na ang personal na obligasyon ang gawing rason para patawarin sa habitual tardiness dahil naapektuhan dito ang serbisyo sa publiko.

Wala ring naitulong ang depensa niya na pinupunuan niya naman ng palagiang overtime ang mga late nito sa trabaho. (Grace dela Cruz)