Karapatan ni Bro. Eli nilabag ng MTRCB

Nilabag umano ni Movie Television Review and Classification Regulatory Board (MTRCB) Chairperson Consoliza Laguardia ang karapatang pantao ni Bro. Eli Soriano nang patawan nito ng indefinite suspension ang huli na nagbabawal dito na lumabas sa apat na programang Church of God Internationall (CGI) at sa iba pang palabas sa telebisyon.

Ito ang naging resolusyon ng Commission on Human Rights-NCR kaugnay sa apela ni Soriano, kilalang lider ng Ang Dating Daan.

Nag-ugat ang nasabing suspension makaraang ireklamo ng Iglesia ni Cristo ang ADD dahil sa pagtawag nito ng "Iglesia ni Manalo".

Sa ginawang pag-aaral ng CHR-NCR sa mga isinumiteng counter affidavit ng dalawang kampo, binigyang bigat ng CHR-NCR ang apela ni Soriano dahil sa umano’y naging inconsistent ang pasya ng MTRCB.