Mister ni Aguilar puntang S’pore

Tumulak kagabi patungong Singapore ang asawa ng Pinay domestic helper na akusado sa pagchop-chop sa kapwa Pinay maid.

Si Edwin Aguilar, asawa ng akusadong si Guen Aguilar ay sinamahan sa Singapore nina Tagudin, Ilcoos Sur Mayor Jun Versoza at Atty. Cheryl Vitales ng Department of Foreign Affairs-Office of the Undersecretary of Migrant Workers Affairs na siyang naatasang tumutok sa kaso ni Guen na inakusahang pumatay at nagputol-putol sa katawan ng kaibigang si Jane La Puebla.

Ang DFA ang nagbigay ng tulong upang personal na makausap ni Edwin at mabigyan ng moral support ang asawa.

Masama naman ang loob ng pamilya ni Puebla sa gobyerno dahil tila mas binibigyan umano ng pabor ang pumatay kaysa pinatay. Ngayon ang unang araw ng pagdinig ng kasong murder na isinampa kay Guen. (Ellen Fernando)