Ex-CIDG chief 'di paliligtasin sa jueteng

Hindi pa rin ligtas si dating Criminal Investigation and Detention Group (CIDG) chief Nestor Gualberto, ito ay matapos na isumite ng Department of Justice (DOJ) sa Ombudsman ang lahat ng pangalan ng personalidad na sangkot sa illegal na jueteng.

Una ng ibinunyag ng DOJ ang pagkakasangkot sa jueteng ng ilang dating opisyal ng PNP sa pangunguna ni Gualberto. Ito ay batay na rin sa natanggap na impormasyon ng DOJ.

Si Gualberto ay nakatakda na sanang ipatawag ni Justice Sec. Raul Gonzalez upang humarap sa Task Force Against Jueteng nang bigla naman ipag-utos ng Malacañang na ilipat ang imbestigasyon nito sa Ombudsman. Nauna rito, nakatanggap ang DOJ ng impormasyon na itinuturo si Gualberto bilang jueteng financier sa Palawan at Nueva Ecija. (Grace dela Cruz)