Pro-VAT lumusob sa Senado

Nilusob ng mga miyembro ng Kilosan para sa Serbisyo ng Masa (Kilos-Masa) ang Senado upang kumbinsihin ang mga mambabatas na ipasa ang panukalang dagdag na 2 porsiyento sa Value Added Tax (VAT).

Ayon kay Jose Moreno, convenor ng Kilos-Masa, dapat magising ang mga senador at aprubahan ang dagdag na 2% VAT na magiging susi ng bansa sa pag-unlad.

"Those who are against the additional VAT are those that do not want our government to succeed. The oppositions are mostly allied with the ousted Marcos and Estrada administrations and will never support the government while the leftist organizations have their own agenda," wika pa ni Moreno.

Aniya, mas makakabuti na ipasa na lamang ang 2% VAT upang makalikom ng pondo ang gobyerno para sa mga programa nito kaysa naman muli tayong mangutang. (Ulat ni Rudy Andal)