Sa naganap na dialogue sa pagitan ng mga opisyal ng Japan at ng Deparment of Foreign Affairs (DFA), tinalakay ang mga makabagong security policies ng naturang bansa na maaari ring maging epektibo sa Pilipinas sa pagsugpo at pag-iwas sa terorismo.
Nabatid na magkakaroon ng iba’t ibang uri ng pagsasanay ang mga kawani ng gobyerno na magmumula sa Maritime Institute at Department of National Defense (DND) para makamit at mapatupad ang mas mahigpit na seguridad sa bansa.
Napagkasunduan din ng mga opisyal ng dalawang bansa na magkaroon ng mga makabagong kagamitan pang-komunikasyon at infrastructure.
Maging ang pagsasagawa ng search and rescue operation ay magiging makabago na rin dahil sa patuloy na pagsasanay na ibibigay ng Japan. Ang training sa search and rescue operation ay isa sa mga paraan ng pagiging alerto ng dalawang bansa sa anumang kalamidad na maaaring maganap sa mga ito tulad ng Tsunami na tumama sa Indian Ocean. (Ulat ni Grace dela Cruz)