Villar, pinakamayamang kongresista

Naitala sa ikatlong magkakasunod na taon bilang pinakamayamang mambabatas sa Mababang Kapulungan ng Kongreso si Las Piñas Rep. Cynthia Villar matapos na umabot sa P531,225,348 ang kanyang net worth at walang utang sa Statement of Assets and Liabilities (SAL) ng mga kongresista noong Disyembre 31, 2003. Noong 2001, ang net worth ni Villar ay P405,517,749 at P481,550,874 naman noong 2002.

Pumangalawa si Palawan Rep. Vicente Sandoval (P253,926,295); sinundan ni Augusto Syjuco (Iloilo), P251,156,299; Rafael Nantes (Quezon), P109,217,027; Abdullah Dimaporo (Lanao del Norte), P104,002,909; Jack Enrile (Cagayan) P93,602,165; Antonio Floreindo (Davao del Norte) P88,579,091; Glenda Ecleo (Surigao del Norte) P78,756,000; Francis Nepomuceno (Pampanga) P78,750,00; at ika-10 si Ismael Mathay III (Quezon City) P78 milyon.

Pinakamahirap si Rep. Joel Virador (Bayan Muna) sa net worth na P26,500. Samantala si House Speaker Jose de Venecia ay nasa ika-23, P53,352,663; Ilocos Norte Rep. Imee Marcos, P12,610,000; Negros Occidental Rep. Jules Ledesma na asawa ni Assunta de Rossi, P32.8 milyon at ika-45 sa listahan ng 225 kongresista. (Ulat ni Malou Rongalerios)