FPJ binokya sa Pangasinan

Binokya o walang natanggap ni isa mang boto si KNP presidential bet Fernando Poe, Jr. sa Sto. Tomas, Pangasinan sa katatapos na eleksiyon.

Dahil dito, mariing kinondena ng pamunuan ng KNP ang anila’y di kapani-paniwalang report dahil batay sa kanilang sariling talaan, may mga boto na pumapabor kay FPJ.

Sa 34 presinto sa Sto. Tomas, nakapagbuslo si Pangulong Arroyo ng 5,470 votes samantalang bokya si FPJ.

Kinukuwestiyon tuloy ng mga residente ng nabanggit na lugar kung saan napunta ang kanilang boto pabor kay FPJ.

"The secret of the counting from Sto. Tomas are ridiculous. How could it be possible that GMA got all the votes while not even one from her opponents got at least a single votes," pahayag ni KNP senatoriable Kit Tatad.

Halos ganito din umano ang nangyari sa Maguindanao, 82,411 o 99.83 percent ang nakuhang boto ni GMA at may 142 o 0.170 lamang ang napunta kay FPJ gayung ito ay balwarte ng oposisyon.

Sa dalawang munisipalidad ng Sultan Kudarat ay nakakuha ng 24,108 boto si GMA samantalang si FPJ ay 477 votes lamang kung saan ang naturang lugar ay mula din sa balwarte ng KNP. (Ulat ni RAndal)