Kaso pa vs Malabon mayoralty bet

Bagaman ibinasura ng Comelec First Division ang petisyon na inihain ng isang Rafael Vidal ng Malabon, hindi pa rin ligtas si Malabon mayoralty candidate Jeannie Ng Sandoval sa isa pang nakabinbing kaso sa kanya. Ayon kay Atty. Romulo Macalintal, election lawyer, hindi pa dapat magsaya si Sandoval dahil mas matindi ang kasong kinakaharap nito hinggil sa disqualification case na inihain ng kanyang kliyenteng si Virgilio Sangoyo.

Isa sa mga pinakamalakas aniyang ebidensiya na hawak nito ay ang sinumpaang salaysay ng mismong bgy. chairman ng Baritan na si Alexander Roque na nagpapatunay na hindi residente doon si Sandoval base sa idineklara nito sa kanyang certificate of candidacy. Sinabi ni Roque na hindi niya man lamang nakita kahit minsan si Sandoval sa kanyang barangay.

Sa testimonya ni Roque, hindi nanirahan sa kanyang nasasakupan si Sandoval at ang inupahan nitong bahay sa #9 Naval Extension Brgy. Baritan, Malabon ay ginamit lamang nito upang maisulong ang kandidatura para sa pagka-mayor. (Ulat ni Ellen Fernando)