2 lider ng Guardians lumantad

Matapos ang apat na araw na pananahimik, lumantad kahapon at boluntaryong sumuko kay Defense Secretary Angelo Reyes ang dalawang lider ng Unified Guardians Brotherhood Association (UGBA) na pawang kasamahan ni Sen. Gregorio Honasan na sinampahan ng kasong kudeta.

Nilinaw nina ret. Col. Romeo Lazo at ret. Col. Virgilio Briones na wala silang kinalaman sa bigong pag-aaklas ng Magdalo Group sa Makati noong Hulyo 27.

Ang UGBA ay binubuo ng ilang faction sa Guardians na kinabibilangan ng Diablo Squad Brotherhood Association, Inc.; Guardians Brotherhood, Inc.; Guardians Center Foundation, Inc.; Guardians Philippines, Inc. at Philippine Guardians Brotherhood.

"We’re here voluntarily surrendering ourselves to prove our innocence and show our support to the government, we have no knowledge about that mutiny (July 27), our conscience is clean," pahayag ng dalawa. (Ulat ni Joy Cantos)